ஸ்மார்ட்போன்களில் விதவிதமான அலாரம் வைக்கும் வசதி

ஸ்மார்ட்போன்களில் விதவிதமான அலாரம் வசதியை அளிக்கும் செயலிகள் (ஆப்ஸ்) இருக்கின்றன. வேக்கி ( ) இந்த ரகம் தான் என்றாலும் கொஞ்சம் புதுமையானது. கூடவே சுவாரஸ்யமானது. வேக்கி சாதராணமான அலாரம் இல்லை. மனித முகம் கொண்ட சமூக அலாரம்.
 
 இந்த செயலியை பயன்படுத்தும் போது, இதில் தொலபேசி எண்ணை தெரிவித்து ( ரகசியம் காக்கப்படுமாம்) எந்த நேரத்திற்கு தூக்கத்தில் இருந்து எழுப்ப வேண்டும் என தெரிவிக்க வேண்டும். இதெல்லாம் வழக்கமான துயிலெழுப்பும் செயலிகளில் உள்ளது தான். ஆனால் வேக்கியில் என்ன வேறுபாடு என்றால் , குறிப்பட்ட நேரம் வந்தவுடன், யாரேனும் அறிமுகம் இல்லாத நபர் ஒருவர் போன் செய்து எழுப்புவார் என்பது தான். 

                         
இந்த செயலியில் பதிவு செய்து கொண்டுள்ள ஒருவர் இப்படி போன் செய்து எழுதிருங்கள் என்பார். அநேகமாக அவர் சம வயதான எதிர் பாலினத்தை சேர்ந்தவராக இருப்பார் என வேக்கி தெரிவிக்கிறது. இந்த அழைப்புகள் தானாக ஒரு நிமிட்த்தில் துண்டிக்கப்பட்டு விடும். நீங்கள் விரும்பினால் யாரேனும் ஒருவரை இப்படி துயிலெழுப்பவும் பதிவு செய்து கொள்ளலாம். 

அறிமுகம் இல்லாத யாரோ ஒருவர் , போன் செய்து தூக்கத்தில் இருந்து எழுப்புவது வித்தியாசமான யோசனை தான். ஆனால் வில்லங்கமாக இல்லாமல் இருக்க வேண்டும். சரி , யாருமே கிடைக்காவிட்டால் என்ன செய்வது ? அந்த கவலை வேண்டாம் தானியங்கி மெசேஜ் எழுப்பி விடுமாம். அமெரிக்கா, யு.கே உள்ளிட்ட நாடுகளில் துயிலெழ இந்த சேவையை பயன்படுத்தலாம். ஆனால் உலகம் முழுவதும் உள்ளவர்கள் துயிலெழுப்ப முன்வரலாம்:

வேக்கி பற்றி அறிய: http://wakie.com/
ஸ்மார்ட்போன்களில் விதவிதமான அலாரம் வைக்கும் வசதி ஸ்மார்ட்போன்களில் விதவிதமான அலாரம் வைக்கும் வசதி Reviewed by அன்பை தேடி அன்பு on Rating: 5